LOKAFUNDUR

 Fljúgum:

út: 10.júlí FI201 01:00-06:00  -hittumst við innritum á föstud.kv. kl. 22.30

heimkoma: 16.júl FI217 22:30-23:40  -
(enn ekki klárt hvernig síðasti dagurinn í Danm. verður.  Líklegt að farið verði í Tivolí í Köben, en verið er að vinna í því.  Annars gerum við eitthvað annað sniðugt).Hér eru glærur af fundinum sem haldinn var mánudaginn 5.júlí :)

TIL GAMANS Setég  hér líka nánari útlistun á íslensku sem kemur fram í Bulletin 3 :

Gisting
Íslenski hópurinn gistir ásamt 33 manna hóp frá Slóveniu  í Holluf Pile skole í suð-vesturhluta Odense (merktur með gulum lit), rétt við Arena FYN.  Skv.mótshaldara  eru max 12 í skólastofu, salernis og sturtuaðstaða á staðnum, 24 tíma vöktun; eitt sameiginlegt öryggisherbergi í skólanum; þrif tvisvar á dag.  Ekki er hægt að læsa skólastofunum.   Mikilvægt er að kynna allar umgengnisreglur fyrir iðkendum: að virða svefntíma, engin háreysti, passa uppá að allt rusl fari í ruslatunnur, reykingar og áfengir drykkir bannaðir.Sjá reglur frá Danmörku hér á eftir.  

Holluf Pile skoleNöglens Kvarter 105220 Odense
Umsjónarmaður skóla:Lene M Sörensens. 30 34 55 [e-mail] 

Þátttakendur koma með dýnu og svefnpoka (lak og kodda ef vilja).

Gott að vera með snúru, nokkrar klemmur, þvottaefni í poka, fjötengi og framlenginasnúru, pumpu fyrir vindsængur.  Engin óþarfa verðmæti með.

Allir þátttakendur fá þátttökuskírteini sem sýna þarf við innganga í íþróttahallirnar, í matsal, í strætó og við gististað.  Ef skírteini týnist þarf að greiða fyrir endurútgáfu.

 Strætó
Á meðan hátíðinni stendur verða sérstakir strætisvagnar fyrir hátíðina auk hefðbundinna strætisvagna. Allir þátttakendur fá frítt í vagnana gegn framvísun þátttökuskírteinis.  Stoppustöðin næst okkar gistingu er: leiðir 9- 10- 11-12  GUL lína/leið
 Matur
Boðið er upp á mat á vegum Eurogym frá morgunmat sunnudaginn 11.júlí – morgunmats föstudags 16.júlí.  Þátttakendur munu þurfa sjálfir að sjá um annan mat (ferðadagana 10.júlí og 16.júlí) og þurfa að taka tillit til þess í gjaldeyri.  Danir hafa lofað barnvænum mat og þá er það bara í höndum okkar að sýna að við séum veraldarvön. Hópstjórar félaga þurfa að þekkja til ofnæmis ef einhver eru innan hópsins og viðbrögð við einkennum. 
Morgunmatur er  frá 7:00 – 9:00 í mötuneyti skólans.
Hádegismatur Sunnudag: í KONGENS HAVE frá 11:00 til 15:00 Aðra daga: frá kl.12:00 – 14:00 í WORKSHOPS /vinnubúðunum,  í Holluf Pile Hallen eða á skautasvæðinu /Skating Arena (Odense idrætspark).
Kvöldmatur:            
Sunnudag og fimmtudag: Skating Arena (Odense idrætspark)
Mánudag, þriðjudag og miðvikudag: kl. 17:00-20:00       í matartjaldi í Kongens Have, rétt við lestarstöðina.
Á opnunarhátíðinni verður kaldur matur í lok hátíðarinnar. 
Á lokahátíð verður kaldur matur milli æfingar og sýningar, um kl. 19:00, á Fionia Park.  
Dagskrá
Hópstjóra-og fararstjórafundur Sunnudagur 11.júlí kl. 15:00
(Arena FYN) Hópstjórafundir Íslands  á hverjum morgni mæta fararstjórar FSÍ á fundi með mótshöldurum, þar er upplýsingum dreift og fyrirspurnir leyfðar.  Þar á eftir hittum við hópstjóra félaganna og gefum þeim fengnar upplýsingar.  Staðsetning væntanlega á Arena FYN kl. 9:30.  
Fundur með þjálfurum á GALA-sýningu       Sunnudagur 11.júlí kl. 16:00      
(Arena FYN) Skrúðganga    Sunnudaginn 11.júlí Uppröðun fyrir skrúðgönguna hefst kl. 17:00.  Þátttakendur ganga í skrúðgöngu frá þremur stöðum að íþróttavellinum þar sem opnunarhátíðin fer fram.  Frá Kongens Have, Flakhaven og  Munke Mose á Fionia Park.  Ísland gengur frá Flakhaven.
Allir eiga að vera í Íslandsbúningi (eigin svörtum buxum, Íslands-bol, Íslands-peysu, með bakpoka, regnsláin í poka og eitthvað að drekka). Þeir sem eiga íslenskan fána mæti með hann. Stillt verður upp og gengið 8 eða 10 í röð.  3 km ganga, líf og fjör, söngur og bylgjur.  Ísland er sjöunda fjölmennasta þátttökuþjóðin. Við dreifum vel úr okkur og gerum okkur mikil í skrúðgöngunni.

Opnunarhátíð  Sunnudaginn 11.júlí kl.19:00                  Odense Idrætspark
Á opnunarhátíðinni verður kaldur matur í lok hátíðarinnar. 
Garðpartý  Mánudaginn 12.júlí Öllum þátttakendum er boðið í dýragarðinn.  www.odensezoo.dk
Tónleikar í miðbæ Odense    Þriðjudaginn 13.júlí        Brandts             
Eurogym gala miðvikudag 14. Júlí      Arena Fyn
Tvær Galasýningar verða önnur kl: 18:30 og hin kl: 21:00. Stúlkur frá Gerplu, Ármanni og FIMA eru fulltrúar Íslands á sýningununni.  Æfingar verða sama dag.  Innifalið í þátttökuspjaldi er miði á Galasýninguna.  Öllum er skipt niður á sýningarnar og fara Íslendingar sem áhorfendur á fyrri sýninguna. Sýnendur sýna á báðum sýningum.Hægt er að kaupa miða á sýningarnar á www.billet.net  
Lokahátíð fimmtudag 15. júlí kl.19:00            Odense Idrætspark
Til þess að taka þátt í lokahátíð þurfa þjálfarar að skrá hópana um leið og skráning opnar (upplýsingar fást á fundi miðvikudag).  Þjálfarar velja eina af vinnusmiðjunum sem iðkendur hafa tekið þátt í og skráir það á töfluna.  Ath. ekki komast nema ákveðið margir í atriðin og því mikilvægt að skrá sem fyrst.  Skrá verður fullt nafn hvers þátttakenda.Lokahátíðin verður haldin á leikvanginum, æfingar fyrir lokahátíð verður seinnipartinn 15.júlí  og verða iðkendur á svæðinu þangað til hátíðin.  Kaldur matur verður í boði einhverntíman milli æfingar og sýningar. 
Lokapartý       fimmtudag 15.júlí eftir lokahátíðina.Parýið er einungis fyrir þátttakendur með þátttökuspjald- ekki gleyma þátttökuskírteininu.  Oft er mikil lagt upp úr að skiptast á einhverju frá sínu landi, merktir stuttermabolir eða jafnvel íþróttagallinn.  Leggið línurnar hvað er leyfilegt áður en lagt er af stað.  Hafið með litla minjagripi, verið í bol/húfu sem má skrifa á, merki félagsins.   
Vinnusmiðjur          Arena FYN og Odense Idrætspark
35 mismunandi vinnusmiðjur verða í boði, fyrir hádegi mánudag-miðvikudag, 2 pr/dag með 30 mín. pása á milli.  100 nemendur og 70 þjálfarar frá Ollerup stjórna.  Hópstjórar bera ábyrgð á að hópurinn þeirra mæti á úthlutaðar smiðjur síns hóps.  Dagskrá hvers hóps verður aðgengileg á netinu. 
Útisýningar
Hvert félag sýnir tvisvar og er mikilvægt að mæta ca. 1 klst. fyrir hverja sýningu, láta stjórnendur vita af sér og afhenda cd með tónlist vel merktan landi og félagi. Muna að taka diskinn til baka með sér eftir sýningu. Búningsaðstaða og klósett verða á svæðinu. Hver hópur hefur 10 mín til umráða, með röðun áhalda. 
Fyrirlestrar (Forums) fyrir þjálfara, farastjóra og þá sem hafa áhuga
Mánudaginn 12.júlí og þriðjudaginn 13.júlí, eftir hádegi:

1. Spotting in tumbling and mini-trampoline
2. Implementation of acrobatics in choreography
3. Video feedback

Sjá nánari útlistun í Bulletin 2.

Skrár tengdar þessari bloggfærslu:

• Glærur

Athugasemdir

[Alexía/Ása Hrund (IP-tala skráð) 1.7.2010 kl. 10:14]

Við Alexía komumst því miður ekki á fundinn, verðum í sumarbústað alla næstu viku. Það væri því mjög gott ef það sem fram fer á fundinum yrði birt hér á síðunni :)

[Nína (IP-tala skráð) 1.7.2010 kl. 11:54]

Nú ættu allir að vera búnir að fá greitt inn á reikningana upp í farseðilinn.  Ég verð með útprentað skjal á fundinum þar sem allir geta séð söfnunina í heild sinni. 

Þeir sem enn eiga eftir að senda mér upplýsingar um reikningsnúmer til að legga inná endilega gerið það sem fyrst

[Jóna (mamma Anítu Sifjar) (IP-tala skráð) 1.7.2010 kl. 12:45]

Juminn eini þetta er að fara að gerast

Við Aníta sif mætum á fundinn

Kv. Jóna

[Begga (IP-tala skráð) 1.7.2010 kl. 13:09]

Ása og Alexía, góða skemmtun í bústað.  Við birtum allt´hér sem fram fer á fundi, glærur líka :)  Endilega skoða líka Bulletin 3 sem sett var inn á síðuna sem viðhengi neðar.